انا مش عنصرية

ممكن تسمحولى اكتب باللهجه العاميه المصريه عشان اخد راحتى و احس كدا انى بتكلم مع نفسى لان مش معقول اتكلم بينى و بين نفسى باللغه العربيهالموضوع انى مسكت نفسى فى حاله تلبس بقول على قريبتى لما اختلفنا ( طبعا انا اروح فين من الفلاحيين دول عندهم خبث ) فوقت وانا بقول يا نهار اسود ايه هاتنسى اصلك ما كلنا اصولنا فى مصر فلاحين او ريفيين ايه العنصريه دى مالهم الفلاحين لولاهم كان زمانا ميتين هم الى بيأمنولنا اكلنا و خيرهم علينا فى كل شىء و طبعا عندما اشتد زعلى من اقاربى الريفيين كل احلامى كانت انى باشا تركى و موقفه كل الى زعلانه معاهم طابور طبعا لانى بحب النظام و بالكرباج (خنزائور - خرسيس) و اقوم من النوم اعوذ بالله من الشيطان الرجيم ايه الغل دا كله و فى اثناء اليوم كله بانادى بعدم العنصريه و بحب كل الديانات و بحب كل العرقيات و المذاهب و الملل و القوميات حتى الايديولوجيات مع انى مش عارفه هى ايه بس برضه بحبها المهم ارجع لموضوعى اصحا من النوم احاول اتسامح معاهم و انسى الى حصل تانى يوم الاقى نفسى فى الحلم ماشيه فى مظاهره و بهتف طبعا فرحانه بنفسى *البنت طول عمرها ثوريه*لقيت نفسى بهتف فى المظاهره ( اطالب بدنشواى جديده ) يا نهار اسود دا الكلام الى قولتله اول ما صحيت من النوم للدرجادى الزعل بيعرفنا مدى عنصريتنا و كل الى بيدور فى تفكيرى من وقتها هل نحن نتقبل الاخر ما دام يتماشى مع اهدافنا و مبادئنا و نتقبله ما دام لا يخطىء مع ان الله سبحانه و تعالى خلق الانسان خطاء و الكمال لله وحدهلكنى فعلا اسمع دوما هذا الكلام ( فلان فلاح - فلانه بدويه - فلان نوبى ) دا على المستوى المحلى و طبعا على المستوى العربى تقام حروب اهليه بسبب العنصريه فى سؤال داير فى دماغى و حساس جدا هل العرب عنصريين بالفطره ولا موروثنا الثقافى ظلمنا و ظلم ناس كتير معانا مش عايزه حد يصلح غلطاتى الاملائه مش عايزين احراج