يا مصر عارفه ان انت مجروحه

يا مصر عارفه ان انت مجروحه



والناس بتشكيكى وانت اللى مظلومه


يلومو عليكى سكاتك وانت محزونه


من اللى بيحصلك واللى بيجرالك


من ولادك ومن حبايبك وجيرانك


عايزة تعملى حاجه وتقولى


بس القيود فى ايديك منعاكى


حتى تقولى الاه وتشكى اللى جواكى


سنين تعانى وانت صابرة وحموله


تقولى بكرة يجى اللى ينجينى


من اللى ظلمو ولادى واحبابى


من اللى اكلو خيرى ولحمى ورمونى


فى بحر هايج من حواليا


مليان حيتان عايزة تمنعنى


اكون اللى طول عمرى انا كنته


ام للدنيا وتاج راسها


اساس العلم وبعمل مالرمال جنه


علومى وفنى للسما واصله


وهما فى الحضيض لسه


غارو منى ومن خلودى فى قلوبهم


وغلهم باين جوه فى عيونهم


خدعونا بحلم زايف لحريه


وهى قيود واصفاد ومخفيه


ديون وحاجه للفلوس خلت رقاب ولادى تبقى محنيه


يا ولادى فوقو وشوفو مين اللى بيخدعكو


واوعو لغير ضميركو تستمعو


دا خيرى لازم يكون ليكو انتو وحديكو


ورأى لازم يكون للحق ولغيره ما يوم نميل ا بدا ولا نختار


عشان للسما تبقى رؤسنا لفوق


دا الحق هو نجاتنا وخلاصنا


من اللى جاى عالعالم وحيهده


عشان نظامهم كان فوضى على فوضى


ادى اخرة رباهم خداعهم وطمعهم


فقر وديون ويا افلاس


ولسه مش باين حترسى لفين


ولازم نزرع ونتعب عشان ما نتمكن


نعود لقمه ملكنا كانت


وتجرى علينا الدنيا تتمنى تنول رضانا او صداقتنا


بالحق مش بالقوه نتقدم ونتمدن

وسيبك من اللى كل شوية يشتم ويتبجح