قصة الحمار

قصة الحمار
وقف سامح فى بهو المحكمة وبدء يكلم نفسة
انا طالع الاول على دفعتى واتخرجت بقالى سنين وعندى مكتب محاماة والى الان لم يوكلنى اى احد فى قضية
اية الحظ المهبب دة
وبينما هو كذلك يفاجىء بزميل الدراسة احمد ومعه السكرتير يحمل اكثر من 10 ملفات قضايا
اهلا سامح عامل اية يا عبقرى
4 سنين دراسة تطلع الاول علينا يا مفترى
انت عامل اية
ابدا زى ما انت عارف بابا اشترى لى مكتب فى وسط البلد
وانا فاتحة بس للاسف ما فيش زباين
طب باقولك اية لازم تعمل زى انا ما عملت
كنت اقف امام المحكمة واشوف اى حد محتاج محامى اذهب معة وكنت اذهب الى النيابة المسائية واستلقط
المساجين اللى محتاجين محامى وبدات ب 20 جنية اتعاب
ودلوقتى ما اخدش قضية اتعابها اقل من 20 الف جنية
يا سيدى ابدء من الناس الفقراء فى الاحياء الشعبية ومحدودى الدخل لغاية ما تشتهر
ياللا سلام ولو احنجت اى حاجة يا سامح اتصل بى
ادى الكارت بتاعى
سامح اخذ يفكر فى كلام احمد
بس ازاى اقف امام المحكمة واعرض نفسى على الزباين
طب افرض اصحابى او اصحاب بابا شافونى
وبينما هو كذلك يظهر عسكرى يقتاد متهم الى القاعة
ايوة يا اخ انت تهمتك اية
يرد العسكرى دة سارق حمار
طب معاك محامى
لا
طب انا ممكن اترافع عنك
اوكى ماشى لغاية المحامى بتاعى ييجى
وادى ملف القضية
العنوان سرقة حمار وزنة 100 كيلو غرام
يفرح سامح ويذهب معة
القاضى
القضية رقم المتهم فلان
التهمة سرقة حمار
مين المحامى
انا حاضر مع المتهم سعادتك
ابدء المرافعة
يبدء سامح فى استعراض عضلاتة
يا افندم الموضوع بكل بساطة ان موكلى بيحب الحضروات
فذهب الى السوق واشترى خضروات بكثرة
وعند عودتة الى المنزل
كان واقف حمار مع صاحبة ولان الحمار جعان ترك صاحبة واخذ ياكل فى الخضروات
حتى وصل الى بيت موكلى الماثل امامكم
وحينها تم القبض على موكلى بتهمة سرقة الحمار
واستشهد بالمادة كذا وكذا من قانون العقوبات
بالله عليكم انظروا الى موكلى انظروا الى ملابسة
دققوا النظر فية جيدا انة يرتدى حذاء باكثر من الف جنية
كيف تظنون بموكلى الظنون
موكلى برىء يا افندم
وعلية اطالب ببراءة موكلى من التهمة المنسوبة الية
تصفيق حاد فى المحكمة يحى العدل
احسنت يا استاذ
حينها يحتد القاضى
هدوء
يا استاذ انت قريت ملف القضية
طبعا يا افندم
طب انت عارف ان التهمة تهريب اثار
الحمار اللى انت بتتكلم عنة واللى
اكل الخضروات مصنوع من الذهب ومن الاثار الفرعونية اللى اتسرقت اثناء
الثورة
رفعت الجلسة لاصدار الحكم
وهنا يصيح المتهم
اللة يخرب بيتك يا استاذ وديتنى فى داهية

ذهب سامح الى كافتيريا المحامين بالمحكمة يتصبب عرقا و يؤنب نفسة
ازاى يا سامح ما تقراش القضية
ازاى تبنى دفاعك على عنوان القضية
سرقة حمار وزنة 100 كيلو جرام
د ابسط حاجة انك كنت ممكن تقرء صفحة او صفحتين
هوة علشان انت فرحت انك جالك قضية تبقى مستهتر
طب والمتهم خلاص ح يتحكم علية بسببك
والله حرام عليك يا سامح وديت الراجل فى داهية وسلبت منة ابسط حقوقة وهو توكيل محامى للدفاع عن نفسة
وبينما هو مستغرق فى تانيب نفسة
يسمع صوت ملائكى يقول
استاذ سامح
ويلكظة احد المحامين الجالسين بجوارة فى ذراعة
اصحى يا استاذ
وينظر حولة ليجد كل المحامين فى الكافتيريا ينظرون اليها
فينظر ليجد فتاة فى حدود ال25 تنظر الية
يالله ما هذا الجمال
لقد اعطاها الله كل ايات الجمال
الجسد الممشوق البشرة البيضاء الشعر البلوند العيون الزرقاء الابتسامة الرقيقة الشياكة والاناقة
يفيق سامح وهو يعتقد انة يحلم
تابى الكلمات ان تخرج من فمة
حضرتك بتكلمينى
ايوة يا استاذ
يحاول سامح ان يقف ولكن رجلية تابى ان تحملة من هول جمالها
تسمح لى بدقيقة
اة اتفضلى
تجلس امامة وهو يهيم بها
انا عارفة انك زعلان
لكن والله العظيم انا شفت فيك صورة المرحوم بابا
بابا كان المحامى الشخصى للملك فاروق
وفية صورة عتدى فى البيت لازم تشوفها وح تعرف ان كلامى صح
ممكن لو تكرمت نتقابل بكرة الساعة 8 مساء
امام الشيراتون
ههة نتقابل مافيش مانع
بكرة ح اكون موجود فى الميعاد
ياللا باى
يذهب سامح الى منزلة وينتقى احدث بدلة اشتراها
ويحاول ان يختار قميص شيك وكرافتة
ويحاول ان ينام ولكن هيهات
وتمر الساعات حتى اتى الميعاد
هية اتاخرت لية الساعة دلوقتى 8 ودقيقة
وتاتى عربة احدث موديل تقف امامة
استاذ سامح من فضلك اركب
ينظر داخل العربة وهو غير مصدق عينية
هي دية ولا مش هية دية بقت احلى من امبارح
فستان سهرة اسود يتلالىء ولكن الاضواء لا تصمد امام بريق عينيها
سامح مش عارف يركب واتدهول على عينة
وبصعوبة يلقى جسدة المتهالك بجوارها
خمس دائق ونكون فى البيت
فى البيت عندك
اة انت خايف ما تخافش انا مش ح اكلك
وتدخل العربة الى الحى الراقى
مجموعة من الابراج لم يرى سامح مثلها
اية دة احنا فى مصر
وتدخل الى الجراج وتترك العربة ثم تستدعى الاسانسيير من داخل الجراج
وتدخل الكارت ليصعد بهما الى الدور العشرين
وتدخل الكارت فى باب الشقة ليفتح ويرى اجمل ما راة فى حياتة
احدث الاساس العصرى نجف سجاجيد اير كونديشن مركزى
ويجلس على احد الاريكة
تحب تسمع موسقى هادية
اة يا ريت
طب تحب تشرب اية
لو فيى بيرة بس خفيفة التركيز
ينفع 9%
اوكى ماشى
تحب ترقص
كما ن ماشى
وتنساب الموسيقى وهى بين ذراعية
ثم تنام براسها على كتفة
وقدمية لا تقدران ان تحملانة
انا عايز اقولك حاجة
اة اسمى
انا اسمى ريتاج
ودة معناة اية
معناة الباب المغلق
وانتى عايشة لوحدك
زى ما انت شايف
انا تعبت من الرقص وجعانة جدا
اروح معاكى المطبخ
اتفضل
دة مطبخ
اة
طب فين التلاجة والبوتاجاز
كلة موجود
وتدوس على احد الازرار فى الريموت ليشاهد مطبخ لم يراة فى حياتة
وتفتح التلاجة وتطلع الاطباق
اخ نسيت اهم حاجة
اية ما فيش خبز
مش مهم انا نازلة خمس دقائق ح اجيب العيش وانت تقعد هنا زى الباشا
لالا انا اللى ح انزل
ويرتدى الجاكيت
ويهم بالنزول
استنى
وانت طالع دوس على الزر رقم 20 فى الاسانسير
علشان احط الكارت واطلعك
حاضر
وتسابقة قدماة وهو فى ذهول اية اللى حصل لك يا سامح انت فى الجنة
انا لازم اقول لها بحبك وعايز اتجوزك
ويشترى العيش ويذهب مسرعا
ليرى مجموعة الابراج
اة الحمد لله
وصلت
بس اى برج فيهم
يسال البواب فى البرج الاول
والنبى واحدة اسمها ريتاج فى الدور العشرين
اية يا افندى الحى دة كلة ما فيش واحدة اسمها ريتاج
انا اقدم بواب هنا
روح دور فى الشارع التانى او التالت
اصل كل الابراج متشابهة
يذهب الى الشارع التانى والتالت ويسال نفس السؤال
بواب يقول لة انا عندى طلبك
انا فاهمك
بنت يا انصاف روحى مع الاستاذ
اديها 200 جنية يا استاذ
انت فهمتنى غلط
انا بادور على ريتاج
امشى يا افندى من هنا احسن اجيب لك البوليس
يقف وسط الابراج وينادى يا ريتاج يا ريتاج
يعنى يا سامح انت فاشل فى كل حاجة
اومال طلعت الاول ازاى على الكلية
النهاية
#كوكى_عادل
#بنت_النيل