حكاوى مصرية ع الأصل دوّر
حكايات النهاردة متنوعة ما بين القصص
بداية كدا ..
فقرة هل تعلم عزيزى المشاهد
ان وزارة الخارجية اول ما أنشئت
كانت على جبل المقطم ف عهد محمد على
وكان والى مصراللى حطها مع غيرها من الدواوين
ف المبانى الملحقة بالقلعة
وكان اسمها ديوان التجارة والامور الافرنكية
وبعدين غيرها الخديوى اسماعيل
فبقت ..
ديوان الأمور الخارجية
1869
وهل تعلم برضو ان مديريات الامن ف كل مصر
اول ما ابتدت كانت ف القاهرة
وكان إسمها ف الوقت دا "الضبطية"
وكان المصريين بينطقوها
الظبطية
وكان مبنى"الضبطية"المنوط بالحفاظ على أمن القاهرة
موجود ف العتبة
وأغلب البوليس وقتها كان من الأوربيين
وبخاصة الطلاينة
لأن مكنش فيه بوليس مصرى لسه
الضبطية وجدت رسميا 1869
وفضل افرادها اجانب
لحد ما اتخرجت اول دفعة من البوليس
وكانت 16 نفر ف سنة 1896
وابتدى البوليس يتمصر
وبموناسبة البوليس دايما تسمعوا ف الأفلام
والمسلسلات القديمة لما اتنين يتخانقوا
فيتاخدوا ع "التُمن"
اللى بيطلع قسم البوليس ف الآخر
فإيه حكايته؟
محمد على لما حكم مصر عمل تنظيم
وأحكام للقبضة والقاهرة كانت تركيزه الأساسى
لأهميتها بأعتبارها العاصمة
ونظرا لوسعها
فقرر يقسمها ل8 اجزاء
لكل حى منها شيح متعين م الحكومة
مهمته الحفاظ ع الأمن
وتسوية الخلافات بين الأفراد ف أى مشكلة
زى مدير امن كدا وكل راس منطقة من التمانية
كانلها "شيخ التُمن"
وفضلت التسمية حتى بعد ظهور البوليس
كإشارة للمطرح
اللى كان بيرجعله المتعاركين على أى شىء
وهل تعلم برضو ان المشربية اتسمت كدا
لأن كان فيها جزء مخصص لوضع القُلل
وف الجزء دا كان بيتم تبريد المية
عشان تطرى على قلب اللى بيشرب منها
تلاجة بلدى يعنى
وهل تعلم كمان ان الخديوى اسماعيل
هوه اللى إبتدع نظام "الأبعدية"
عشان يمنح لنفسه ولعيلته ومحاسيبه
امكانية الاحتفاظ بأرض بعيدة عن الَضرايب
وعشان محدش يحاسبه
لا هوه ولا عيلته ولا حبايبه على أى حاجة ف أى حاجة
واتسمت كدا لأنها "مبعدة" عن سجلات الحكومة الرسمية
طيب تعرف كمان ان كلمة "ولاد الناس" دى
كانت بتطلق على أبناء المماليك الاحرار
اللى تم عتقهم من العبودية
وكانوا بيتسموا كداعشان يفرقوهم عن "اولاد البلد"
اللى كانت بتتقال عن المصريين
اللى هما اهل البلد الأصليين
وهل تعلم ان الشعب المصرى
اللى خرج ف ثورة ال18 نفر وانضملهم واحد
لما كانوا بينتعوا الهتاف الشهير اياه
بتاع "الاستقلال التام او الموت الزؤام"
و كنت اسمعه ألف مرة ولا فاهمة
يعنى ايه زؤام دى يا اخواننا !؟؟
طلعت بعيد عنكوا بالفصحى
يعنى سريع وعاجل ..
بس انا مفهمتش الهتاف دا تهديد للمحتل
ولا زى هتافنا الغلبان البائس
بتاع يا نجيب حقهم ونموت زيهم
اللى بيموت الثوار ف الغالب من بعده ؟
جملة الموت الزؤام برضو وقتها
دى كانت لينا ولاّ للأنجليز؟؟
وبمناسبة الاشياء اللى ابتدت حاجة
وبقت حاجة
تعرفوا ان الظاهر بيبرس
سلطان مصر المملوكى الفخيم العظيم كان فتوة رسمى ؟
أينعم الفتوة أصلا كانت شىء عظيم
ولغويا الفتوة : مشتقة من الفتى الذى بلغ من السن
ما يرفعه و الفتى هو الشابُّ ف أوَّلَ شبابه
اللى بين المراهقة والرُّجولة
الفتونة ظهرت ف العهد العباسى
الفتوة كان بيتعلم أصول الحرب والقتال
ويتكسب من مهنة الصيد
ويشارك ف المحن والازمات اللى بتواجه الدولة
كمساند وداعم
وجت الفتونة مصر مع العباسين
وقعدت لعهد ابن طولون
وكانت للصنعة دى مهابة وسطوة
خصوصا ان أغلب الفترات
اللى كان فيها استقرار شوية ف الحكم
الفتونة كانلها سروال مخصوص
لبس كدا يتميز بيه صاحبه
زى النيشان والوسام وقلادة النيل والأفلام دى
قوم الخليفة العباسى حضر للبلاد
ف زيارة رسمية
لما مسك بيبرس
اللى كان صايع
وكان عارف ان مصر تحت ايده
بس قالك أخد الخليفة ف عبّى
واهو تيجى بجميلة
والتتنين اتفقوا على كدا ضمنيا
وحضر الخليفة لمصر
وصلوا الجمعة سوا
وقروا الفاتحة ع الخاين وابن الحرام
والخليفة منح بيبرس "سروال الفتوة"
تكريما وتفخيما وتعظيما .. الخ
وفضلت للفتونة مقامها
لحد ما المماليك بهدلوا الدنيا بخناقاتهم ع العرش
وتحولت الفتوة من راجل له مهارات قتالية كويسة ..
لمرتزقة للى يدفع اكتر
وتحول الفتوة من حامى حمى الحى
او منطقته اللى ساكن فيها إلى بلطجى
يتكسب من تخويف الناس من بطشه
زى قصص نجيب محفوظ كدا
من الكلمات والمصطلحات اللى برضو ابتدت حاجة
وبقت حاجة ..
ف مصر
كلمة العايق اللى بنستخدمها
للدلالة على واحد شايف نفسه
العياق طبقة ظهرت ف المجتمع المصرى
ف عهد المماليك ويمكن قبله بشوية
وكانوا مشهورين بقطع الطرق وتنغيص عيشة الناس
اسكتوا
وياريت جت على كدا
دا طلعت كلمة عوء لغة عربية فصحى
رجل عوق :
هو الرجل الذى لا خير عنده
وهوه المانع الذى يعوق الطريق ويقطعه على الناس
القصد
العايق دايما كانوا طبقة شوريرة ف المجتمع
وملمومين على غيرهم من المجرمين
ومتفهموش ازاى الكلمة دى اتبدلت
وبقت تتقال على اللى لابس ومتأنتك وشكله حلو؟!
وفى نفس السياق كلمة شيخ منصر
اللى بتتقال ع عتاة الأجرام
الكلمة اصلها "منسر" بالسين مش صاد
والمنسر معناها :
جماعة من الخيل ومشاة يصلوا لـ 100 شخص
والمنسر كمان هوه الفعل الذى يأتيه النسر بمنقاره
لما بيخطف شىء
و"مناسر الحرامية" طائفة من المجتمع
كانت بتشتد سطوتها ف الازمات
والمحن
وغياب الامن
وتقدروا تقولوا عليهم كدا
الطرف التالت بتاع أى زمن
كانوا مسلحين وبيقطعوا الطرق ع البشر
ويسرقوهم ويقتلوهم
واسمعوا الجاى بقى
ف بعض الأوقات بيقولك ايه ..
القابضين على الأمور كانوا بيستخدموهم
لأعادة المسروقات وتهدئة الاوضاع وقت الفتن وكدا
ضيف على ما سبق ناس اسمها الشلق
وحطوا ضمةع الشين
والشلق : هم الرعاع الذين يضايقون الناس ف الطرقات
عن طريق ايقاع الرعب ف قلوبهم .. !
وفعل الشلق هو : الضرب بالسوط
يعنى لما واحدة تقول لواحدة مش هرد عليكى
انتى ست شلق
او كلمة دول بيشلقوا لبعض دى
طلعلها أصل
وفصل
وكدا !!!
الناس الشلق دول كانوا بينضموا على سابقيهم
من مناسر حرامية و عياق
ضيفوا عليهم بقى ناس كمان من زمن المماليك برضو
وقولوا اسمهم ايه ؟؟
الشطار
مفردها شاطر اللى هوه المتصف بالدهاء
والخبث والحيلة
واللص الذى يستخدم الحيلة ف موضع الحيلة
والقوة ف موضع القوة
والشاطر لغويا : هو من أعيا أهله خبثا !
والشطار كانوا طبقة حرامية برضو
الله اومال هما فلقونا منذ الصغر
بكلمة خليك شاطر
خليك شاطر
ليه .. ؟
الشاطركمان هو شطر عن اهله يعنى انفصل عنهم
والشطارة يعنى الابتعاد
فإيه بقى بقى طب انا أعييت اهلى قرفا
وانا صغننة محدش قالى ولا مرة انى شاطرة ليه ؟!!!
وكلمة شاطر اللى ف زمن المماليك كانت تهمة
وتودى خزانة البنود او شمايل
او تعلق رقبة صاحبها على باب زويلة
دلوقتى بقت كلمة مدح
و دلالة ع العيال الدحيحة المتفوقة
واذا كانت زمان بتودى السجن
وبعدين بقت بتودى الجامعة لو ذاكرت
فدا ميمنعش انها ممكن برضو
تودى القناطر على رأى الست نعيمة المصرى
كلمة كمان كلنا بنستخدمها ومنعرفش ليه ؟
كلمة جوانى يعنى بمعنى داخلى
والجوانية دى حارة اسمها كدا
نسبة للأشراف الجوانيين
كانت قرب باب النصر
كان بيسكنها الروم كطايفة واتسمت الحارة
حارة الروم الجوانية
والناس بعد مدة استتقلت الأسم الطويل
فقالوا الحارة الجوانية علطول خبط لزق
وبعدين بقت تستخدم اللفظة .. جوا .. وجوانى دى
للدلالة على حاجة داخلة
او ف القلب كدا
والحارة دى بتاعت الروم الأشراف الجوانيين
كانت ف حى الجمالية
دية غير الحارة المزنوقة بتاعة الخروف مرسى
كلمة كمان كانت بتطلق على اسكندرية زمان
ولحد وقت مش بعيد "الثغر"
ليه كانوا بيقولوا على اسكندرية
اسم الثغر؟
الثغر ف المعاجم والقواميس
هو : كل موضع قريب من ارض العدو يسمى ثغرا
ولأن اسكندرية الماريا كانت دايما اللى ف وش العدو كدا
فدا كان اسمها
شارع المبتديان ف منطقة القصر العينى
اتسمى كدا نسبة الى مدرسة المبتديان
اللى انشئها الخديوى اسماعيل
ومبتديان كلمة تركية معناها ...
ابتدائى
القاهرة الخديوية ف مبتداها
كانت بتنور بالطريقة التقليدية
فوانيس وكدا
لحد ما تعاقد اسماعيل مع شركة ليبون
لإضاءة القاهرة بالغاز
وف سنة 1867 نوّر بالغاز ف مصر أول مكان
كان هوه محطة مصر ... باب الحديد
ميدان رمسيس حاليا
وحد يقولى دا له معنى عندك ؟
أقوله طبعا يعنى الخديوى وقتها
مقلش نورولى قصر عابدين الأول مثلا .. ليه ؟؟!!
نقول كانت غلطة والراجل مخدش باله
والمرة الجاية هيبقى اول واحد وكدا
أقولكم لأ برضو عشان ولاد الاصول المتربية
مبتغيرش الطبع
لأنه بعديييين
لما الكهرباء دخلت مصر
وكانت برضو شركة ليبون هيا المتعهدة بالحكاية دى
الخديوى وقتها وكان عباس حلمى التانى
مقلش دخلوها ف قصر عابدين الاول برضو !!
وأول مطرح دخلته الكهربا فيكى يا مصر سنة 1895
قولوا كان فين ؟
مسرح ودار الأوبرا الخديوية
شايفين الجمال
شايفين الشياكة
شايفين الناس اللى بتفهم
شايفين العالم اللى بتقدر قيمة الفن والثقافة ؟
ودار الاوبرا اول مكان نوّر بالكهربا ف مصر
وبمناسبة عباس حلمى التانى بقى
ما دمنا جبنا سيرته
هل تعلمون أن اول عربية ف مصر
كانت ملك هذا الرجل
اشتراها سنة 1909
انا شخصيا بحب الراجل دا
رغم ان له غلطاته
المهم انه كان حابب فكرة العربية دى
ولما سمع عن الاختراع قرر مش بس يشتريه
لأ
يسوقه بنفسه كمان
هوه أصلا كان عنده كارتة شهيرة جدا
منيرة المهدية اشترت واحدة شبهها
فإتغاظ منها وبعت يقولها متركبيش عربية زى بتاعتى
يا ست و عيب كدا .. ؟!!
راحت الست منيرة المهدية مستخدمة نفوذها مع الأنجليز
وخلته يرضخ و يسيبها ف حالها
ويسيبلها الكارتة تركبها عادى
بعد ما سمعله كلمتين انجليزى !
المهممممم عباس حلمى اشترى العربية
واتعلم السواقة
وبقى يسوق زكزوكة بتاعته ف منطقة عابدين
وما حولها
قوم الحاشية صوتوا
يا مولانا مينفعش كدا الله يكرمك
امنك وسلامتك
انتا مستهدف م الانجليز
ميصحش تسوقها بنفسك
والظاهر كانت سواقته مسخرة
وبيدوس ع الناس ولا ايه متفهموش
والمهم ف الآخر اقنعوه يجيب سواق وكدا ..
فوافق مشكورااااا
طبعا الأجانب والمصريين اتشجعوا
وانتشرت العربيات بس على خفيف
واسمعوا الجاى بقى
أل نادى السيارات المصرى
بيسجل اول بلاغ عن سرقة عربية سنة 1930
يعنى من 1909 لحد سنة 1930
مفيش أى عربيات اتسرقت خالص
مهو طبعا
هما اصلا العربيات يعنى
كانوا يتعدوا ع الصوابع
واللى هيسرق عربية هيسوقها فين
بعيد عن عين البوليس ومش هيلاقوه و يتمسك ؟!!
محدش فكر لأن لا حد بيعرف يسوق
ولا هيعرف يفكها ويبيعها
ولا يهربها برا الحدود
والمهم ان العرق دساس
وهتمتد هواية الولع بالعربيات دى للملك فاروق
اللى كان عنده كام عربية ابهة وعظمة
آخرابى ع الجمال
الناس كانت بتشوفه بيسوق العربيات
بتاعته ف الشوارع عادى ..
خصوصا الحمرا دى
كان مولع بيها
وبجمع الطوابع والتحف
هيييحح
ايااام
واللى كانوا بيسألوا عن الجند الارناؤط وايه حكايتهم
هما جنود كانوا مشهورين بالإزعاج
والمشاغبة والجنان واللسعان
يرجع سبب تسميتهم لزعيمهم ..
طاهر باشا الأرناؤطى اللى جه مع محمد على من ألبانيا
عشان يحاربوا الفرنساوية
ف خضم أحداث الحملة الفرنسية
بعد جلاء الفرنسيس عن مصر اهل القاهرة
عانوا الامرين من شغب الأرناؤطية
اللى لما كانت فلوسهم ورواتبهم بتتآخر
او تقل بينيلوا الدنيا
ويخلوها خل
مصر كانت بتعدى بمرحلة انتقالية
زى دلوقتشى كدهون بالضبط
قوم الجند دول المشهورين بالتهور ف القتال
كانوا بينهبوا الدكاكين والبيوت عادى خالص
الناس قالت جاى منهم
واشتكوا مر الشكوى
قام بعتلهم الباب العالى وقالهم أرجعوا لبلدكم يا غجر
فرفضوا طبعا ولا كأن حد قال حاجة .. !!
وفضلوا على هذا المنوال يقرفوا ف الناس
ويبقوا شوكة ف قفا أى والى
لحد ما جالهم اللى مبيرحمش
سى محمد على باشا اللى قعد يتكتك لهم ع الهادى
وخلص من جزء منهم ف مدبحة القلعة
اما الجزء التانى فبعتهم الحجاز مع ابنه طوسون ..
فقل عددهم جدا عن الأول
ونجا القليل
واخيرا ما دمنا جبنا سيرة الكبير قوى .. محمد على
فلازم أقول معلومة مهمة عن نشأة الراجل دا
عشان تعرفوا ان مفيش حاجة تيجى كدا
محمد على من مواليد مدينة قولة
في جنوب مقدونيا عام 1769
وكان أبوه الألبانى إبراهيم أغا رئيس حرس
او زى شيخ غفر كدا
الحاج أبراهيم دا بقى
هوه اللى مزعلنى قوى
مش منه
أبضن يعنى ابدا
دنا زعلانة عليه والنيعمة
ليه يا كوكى تزعلى بس ؟!!
أقولكم ليه
أصله كما ذكرت المصادر كان عاوز يخلف
ويبقى عنده عيال زى كل الناس
قوم حاول
وف كل مرة يموتله عيل لحد ما ماتله كام واحد
قولوا كام ... ؟
ستاشر عيل يا مؤمن
إبراهيم أغا قعد يخلف 16 مرة والمولود يموت
لحد ما ف المرة السبعآشر جه سى محمد على
وتبت ف الدنيا وغتت وقال مش ميت انا .. ؟!!
وطبعا الأب فرح جدا
بس ملحقش يا عينى
ومات و ساب محمد على طفل صغير يتيم
وطبعا يموت
أقل واجب
عيخلف 17 عيل ويفضل فيه صحة
لأ طبعا
وانتا عملت اللى عليك عموما
واتكل ع الله يا حاج ابراهيم مع السلامة
والله ما جصّرت !!
اللى ربى محمد على .. أمه
الست ام محمد
و اللى بذلت مجهود جبار ف الخلفة
ولا الأرنبة انرجيزر
مش هتقدر تكمل المسيرة هيا كمان
وهتموت ومحمد على ف سن الـ 14
فهيربيه عمه طوسون
وبعد شوية
هــ يموت .. !
ولأ معلش بقى كدا انتا سرك باتع يا لولو
والبطل
ابوه مات وامه ماتت وعمه مات !؟
نعم
المهم
مبقالوش ف وسط كل الناس الا صديق عمه
كان راجل كويس اسمه الشوربجى
وعمكو الشوربجى كفل اليتيم
لحد ما بقى شاب
واخده تحت جناحه وشغله معاه ف تجارة الدخان
طبعا مفيش داعى أقول ان الشوربجى
كان راجل واصل مع العسكر
وقرب محمد من رجال السلطة النافذين ف البلد
والواد لولو اترقى
واتعّرف ف السكة على حاكم مدينة قولة
الحاكم كان عنده بنت حلوة مطلقة وبختها مال مرة
و كان اسمها أمينة
وأبو أمينة كان بيفهم ف الناس
عرف علطول ان محمد على دا شاب طموح
وله مستقبل
راح مجوزه البت طوالى
وطبعا شمله بكل رعاية واهتمام ونطقه ف المناصب
وتأتى الحملة الفرنسية إلى مصر
قوم الباب العالى يبعت اللى يقدر يبعتهم
منهم كتيبة ألبانية يتصادف ان رئيسها
هوه ابن حاكم قولة أخو مرات محمد على
وياخد أنشته جوز اخته معاه
على رأس كتيبة من 300 نفر
وأول ما يوصلوا مصر يرجع الواد ابن الحاكم
ويسيب محمد على مكانه قائد ومسيطر وواكل تايجر
وتمشى الحملة
وييجى والى متعين من الباب العالى
ويحارب محمد على كل الأطراف
بسلاح الدهاء والمكر
لحد ما شوية شوية يوصل لكرسى الحكم
وأصلا بقى
يعنى
معلش
اللى هسمعه بيشتم بعد كدا ف الشعب المصرى
ويقولك محمد على ضحك عليه
وابصر ايه
لأ بقى سورى لامؤاخذة
دا الراجل جايلنا مموت 16 أخ قبل منه
عشان هوه يشرف وميبقاش ع الحِجر غيره !
يعنى الراجل منذ أن كان جونين وهوه مفترى وقادر
ومخلّص على عيلته جمعاء
وعرف يطوى حاكم قولة
ويتجوز بنته
عشان يكبر ف النفوذ والمكانة
ويقدر يجيلنا مصر
ويفضى لنا بقى
ولما جه عرف برضو ازاى يساوى اموره
ويزيح قادة عتاة و زعما شعبيين وناس عتاولة
وكل دا صدفة ..؟
لأ يا اخواننا دى مترتبة والجدع دا مستنصدنا
واللى عاجبنى ف الحكاية دى بقى
ان الجدع اكمنه اتولد وحيد وملوش عزوة
فقرر يتفادى هذا المصير تمامااااااا
لما جاتله الفرصة
ونظرة لشجرة عيلته كدا
هتلاقوا محمد على خلف 30 عيل
آه والنيعمة
طبعا مش كلهم عاشوا
ومات منهم كتير ف السكة زى اعمامهم الـ 16
يا ابو سر باتع
بس محمد على كان مثابر ميبزهقش
واللى يموت نجيب غيره
وكوباية واتكسرت
وخدت الشر وراحت
عشان كدا هتلاقوا فيه 4 زينب
و 3 رقية
و2 اسكندر
و2 حليم
و2 عبدالحليم
و2 اسماعيل
اللى يروح نجيب اخوه بنفس الإسم
وعاتى خالث
وما شاء الله ربنا مد ف عمره
ومعملش زى أبوه
اللى فيص بدرى بدرى
محمد على عاش لحد بعد ال80 ربيعا
وسؤال يطرح نفسه مش قادرة أمنع نفسى بصراحة
هوه كان بيحارب ويسافر ويرجع ويحكم ويتحرق دمه
وكان عنده وقت ونفِس يخلف 30 عيل ؟
عزوة بقى
وبقول محمد على دا كان فلتة من فلتات الزمن
وبغض النظر عن كل تحفظاتى عليه
بس فعلا كان شخص غير عادى
يا أما كان مخلوق فضائى
Men In Black
وكدا
حكايات النهاردة متنوعة ما بين القصص
فقرة هل تعلم عزيزى المشاهد
ان وزارة الخارجية اول ما أنشئت
كانت على جبل المقطم ف عهد محمد على
ف المبانى الملحقة بالقلعة
وكان اسمها ديوان التجارة والامور الافرنكية
وبعدين غيرها الخديوى اسماعيل
فبقت ..
ديوان الأمور الخارجية
1869
وهل تعلم برضو ان مديريات الامن ف كل مصر
اول ما ابتدت كانت ف القاهرة
وكان إسمها ف الوقت دا "الضبطية"
وكان المصريين بينطقوها
الظبطية
وكان مبنى"الضبطية"المنوط بالحفاظ على أمن القاهرة
موجود ف العتبة
وأغلب البوليس وقتها كان من الأوربيين
وبخاصة الطلاينة
لأن مكنش فيه بوليس مصرى لسه
الضبطية وجدت رسميا 1869
وفضل افرادها اجانب
لحد ما اتخرجت اول دفعة من البوليس
وكانت 16 نفر ف سنة 1896
وابتدى البوليس يتمصر
وبموناسبة البوليس دايما تسمعوا ف الأفلام
والمسلسلات القديمة لما اتنين يتخانقوا
فيتاخدوا ع "التُمن"
اللى بيطلع قسم البوليس ف الآخر
فإيه حكايته؟
محمد على لما حكم مصر عمل تنظيم
وأحكام للقبضة والقاهرة كانت تركيزه الأساسى
لأهميتها بأعتبارها العاصمة
ونظرا لوسعها
فقرر يقسمها ل8 اجزاء
لكل حى منها شيح متعين م الحكومة
مهمته الحفاظ ع الأمن
وتسوية الخلافات بين الأفراد ف أى مشكلة
زى مدير امن كدا وكل راس منطقة من التمانية
كانلها "شيخ التُمن"
وفضلت التسمية حتى بعد ظهور البوليس
كإشارة للمطرح
اللى كان بيرجعله المتعاركين على أى شىء
لأن كان فيها جزء مخصص لوضع القُلل
وف الجزء دا كان بيتم تبريد المية
عشان تطرى على قلب اللى بيشرب منها
تلاجة بلدى يعنى
وهل تعلم كمان ان الخديوى اسماعيل
هوه اللى إبتدع نظام "الأبعدية"
عشان يمنح لنفسه ولعيلته ومحاسيبه
امكانية الاحتفاظ بأرض بعيدة عن الَضرايب
وعشان محدش يحاسبه
لا هوه ولا عيلته ولا حبايبه على أى حاجة ف أى حاجة
واتسمت كدا لأنها "مبعدة" عن سجلات الحكومة الرسمية
كانت بتطلق على أبناء المماليك الاحرار
اللى تم عتقهم من العبودية
وكانوا بيتسموا كداعشان يفرقوهم عن "اولاد البلد"
اللى كانت بتتقال عن المصريين
اللى هما اهل البلد الأصليين
وهل تعلم ان الشعب المصرى
اللى خرج ف ثورة ال18 نفر وانضملهم واحد
لما كانوا بينتعوا الهتاف الشهير اياه
بتاع "الاستقلال التام او الموت الزؤام"
و كنت اسمعه ألف مرة ولا فاهمة
يعنى ايه زؤام دى يا اخواننا !؟؟
طلعت بعيد عنكوا بالفصحى
يعنى سريع وعاجل ..
بس انا مفهمتش الهتاف دا تهديد للمحتل
ولا زى هتافنا الغلبان البائس
بتاع يا نجيب حقهم ونموت زيهم
اللى بيموت الثوار ف الغالب من بعده ؟
جملة الموت الزؤام برضو وقتها
دى كانت لينا ولاّ للأنجليز؟؟
وبمناسبة الاشياء اللى ابتدت حاجة
وبقت حاجة
تعرفوا ان الظاهر بيبرس
سلطان مصر المملوكى الفخيم العظيم كان فتوة رسمى ؟
أينعم الفتوة أصلا كانت شىء عظيم
ولغويا الفتوة : مشتقة من الفتى الذى بلغ من السن
ما يرفعه و الفتى هو الشابُّ ف أوَّلَ شبابه
اللى بين المراهقة والرُّجولة
الفتونة ظهرت ف العهد العباسى
الفتوة كان بيتعلم أصول الحرب والقتال
ويتكسب من مهنة الصيد
ويشارك ف المحن والازمات اللى بتواجه الدولة
كمساند وداعم
وجت الفتونة مصر مع العباسين
وقعدت لعهد ابن طولون
وكانت للصنعة دى مهابة وسطوة
خصوصا ان أغلب الفترات
اللى كان فيها استقرار شوية ف الحكم
الفتونة كانلها سروال مخصوص
لبس كدا يتميز بيه صاحبه
زى النيشان والوسام وقلادة النيل والأفلام دى
قوم الخليفة العباسى حضر للبلاد
ف زيارة رسمية
لما مسك بيبرس
اللى كان صايع
وكان عارف ان مصر تحت ايده
بس قالك أخد الخليفة ف عبّى
واهو تيجى بجميلة
والتتنين اتفقوا على كدا ضمنيا
وحضر الخليفة لمصر
وصلوا الجمعة سوا
وقروا الفاتحة ع الخاين وابن الحرام
والخليفة منح بيبرس "سروال الفتوة"
تكريما وتفخيما وتعظيما .. الخ
وفضلت للفتونة مقامها
لحد ما المماليك بهدلوا الدنيا بخناقاتهم ع العرش
وتحولت الفتوة من راجل له مهارات قتالية كويسة ..
لمرتزقة للى يدفع اكتر
وتحول الفتوة من حامى حمى الحى
او منطقته اللى ساكن فيها إلى بلطجى
يتكسب من تخويف الناس من بطشه
زى قصص نجيب محفوظ كدا
من الكلمات والمصطلحات اللى برضو ابتدت حاجة
وبقت حاجة ..
ف مصر
كلمة العايق اللى بنستخدمها
للدلالة على واحد شايف نفسه
العياق طبقة ظهرت ف المجتمع المصرى
ف عهد المماليك ويمكن قبله بشوية
وكانوا مشهورين بقطع الطرق وتنغيص عيشة الناس
وياريت جت على كدا
دا طلعت كلمة عوء لغة عربية فصحى
رجل عوق :
هو الرجل الذى لا خير عنده
وهوه المانع الذى يعوق الطريق ويقطعه على الناس
العايق دايما كانوا طبقة شوريرة ف المجتمع
وملمومين على غيرهم من المجرمين
ومتفهموش ازاى الكلمة دى اتبدلت
وبقت تتقال على اللى لابس ومتأنتك وشكله حلو؟!
وفى نفس السياق كلمة شيخ منصر
اللى بتتقال ع عتاة الأجرام
الكلمة اصلها "منسر" بالسين مش صاد
والمنسر معناها :
جماعة من الخيل ومشاة يصلوا لـ 100 شخص
والمنسر كمان هوه الفعل الذى يأتيه النسر بمنقاره
لما بيخطف شىء
و"مناسر الحرامية" طائفة من المجتمع
كانت بتشتد سطوتها ف الازمات
والمحن
وغياب الامن
وتقدروا تقولوا عليهم كدا
الطرف التالت بتاع أى زمن
كانوا مسلحين وبيقطعوا الطرق ع البشر
ويسرقوهم ويقتلوهم
واسمعوا الجاى بقى
ف بعض الأوقات بيقولك ايه ..
القابضين على الأمور كانوا بيستخدموهم
لأعادة المسروقات وتهدئة الاوضاع وقت الفتن وكدا
ضيف على ما سبق ناس اسمها الشلق
وحطوا ضمةع الشين
والشلق : هم الرعاع الذين يضايقون الناس ف الطرقات
عن طريق ايقاع الرعب ف قلوبهم .. !
يعنى لما واحدة تقول لواحدة مش هرد عليكى
انتى ست شلق
او كلمة دول بيشلقوا لبعض دى
طلعلها أصل
وفصل
وكدا !!!
الناس الشلق دول كانوا بينضموا على سابقيهم
من مناسر حرامية و عياق
ضيفوا عليهم بقى ناس كمان من زمن المماليك برضو
وقولوا اسمهم ايه ؟؟
مفردها شاطر اللى هوه المتصف بالدهاء
والخبث والحيلة
واللص الذى يستخدم الحيلة ف موضع الحيلة
والقوة ف موضع القوة
والشاطر لغويا : هو من أعيا أهله خبثا !
والشطار كانوا طبقة حرامية برضو
الله اومال هما فلقونا منذ الصغر
بكلمة خليك شاطر
خليك شاطر
ليه .. ؟
الشاطركمان هو شطر عن اهله يعنى انفصل عنهم
والشطارة يعنى الابتعاد
فإيه بقى بقى طب انا أعييت اهلى قرفا
وانا صغننة محدش قالى ولا مرة انى شاطرة ليه ؟!!!
وتودى خزانة البنود او شمايل
او تعلق رقبة صاحبها على باب زويلة
دلوقتى بقت كلمة مدح
و دلالة ع العيال الدحيحة المتفوقة
واذا كانت زمان بتودى السجن
وبعدين بقت بتودى الجامعة لو ذاكرت
فدا ميمنعش انها ممكن برضو
تودى القناطر على رأى الست نعيمة المصرى
كلمة كمان كلنا بنستخدمها ومنعرفش ليه ؟
كلمة جوانى يعنى بمعنى داخلى
والجوانية دى حارة اسمها كدا
نسبة للأشراف الجوانيين
كانت قرب باب النصر
كان بيسكنها الروم كطايفة واتسمت الحارة
حارة الروم الجوانية
والناس بعد مدة استتقلت الأسم الطويل
فقالوا الحارة الجوانية علطول خبط لزق
وبعدين بقت تستخدم اللفظة .. جوا .. وجوانى دى
للدلالة على حاجة داخلة
او ف القلب كدا
والحارة دى بتاعت الروم الأشراف الجوانيين
كانت ف حى الجمالية
ولحد وقت مش بعيد "الثغر"
ليه كانوا بيقولوا على اسكندرية
اسم الثغر؟
الثغر ف المعاجم والقواميس
هو : كل موضع قريب من ارض العدو يسمى ثغرا
ولأن اسكندرية الماريا كانت دايما اللى ف وش العدو كدا
فدا كان اسمها
شارع المبتديان ف منطقة القصر العينى
اتسمى كدا نسبة الى مدرسة المبتديان
اللى انشئها الخديوى اسماعيل
ومبتديان كلمة تركية معناها ...
ابتدائى
القاهرة الخديوية ف مبتداها
كانت بتنور بالطريقة التقليدية
فوانيس وكدا
لحد ما تعاقد اسماعيل مع شركة ليبون
لإضاءة القاهرة بالغاز
وف سنة 1867 نوّر بالغاز ف مصر أول مكان
كان هوه محطة مصر ... باب الحديد
ميدان رمسيس حاليا
وحد يقولى دا له معنى عندك ؟
أقوله طبعا يعنى الخديوى وقتها
مقلش نورولى قصر عابدين الأول مثلا .. ليه ؟؟!!
والمرة الجاية هيبقى اول واحد وكدا
أقولكم لأ برضو عشان ولاد الاصول المتربية
مبتغيرش الطبع
لأنه بعديييين
لما الكهرباء دخلت مصر
وكانت برضو شركة ليبون هيا المتعهدة بالحكاية دى
الخديوى وقتها وكان عباس حلمى التانى
مقلش دخلوها ف قصر عابدين الاول برضو !!
وأول مطرح دخلته الكهربا فيكى يا مصر سنة 1895
قولوا كان فين ؟
مسرح ودار الأوبرا الخديوية
شايفين الشياكة
شايفين الناس اللى بتفهم
شايفين العالم اللى بتقدر قيمة الفن والثقافة ؟
ودار الاوبرا اول مكان نوّر بالكهربا ف مصر
وبمناسبة عباس حلمى التانى بقى
ما دمنا جبنا سيرته
هل تعلمون أن اول عربية ف مصر
كانت ملك هذا الرجل
اشتراها سنة 1909
انا شخصيا بحب الراجل دا
رغم ان له غلطاته
المهم انه كان حابب فكرة العربية دى
ولما سمع عن الاختراع قرر مش بس يشتريه
لأ
يسوقه بنفسه كمان
هوه أصلا كان عنده كارتة شهيرة جدا
منيرة المهدية اشترت واحدة شبهها
فإتغاظ منها وبعت يقولها متركبيش عربية زى بتاعتى
يا ست و عيب كدا .. ؟!!
راحت الست منيرة المهدية مستخدمة نفوذها مع الأنجليز
وخلته يرضخ و يسيبها ف حالها
ويسيبلها الكارتة تركبها عادى
بعد ما سمعله كلمتين انجليزى !
المهممممم عباس حلمى اشترى العربية
واتعلم السواقة
وبقى يسوق زكزوكة بتاعته ف منطقة عابدين
وما حولها
قوم الحاشية صوتوا
يا مولانا مينفعش كدا الله يكرمك
امنك وسلامتك
انتا مستهدف م الانجليز
ميصحش تسوقها بنفسك
والظاهر كانت سواقته مسخرة
وبيدوس ع الناس ولا ايه متفهموش
والمهم ف الآخر اقنعوه يجيب سواق وكدا ..
فوافق مشكورااااا
طبعا الأجانب والمصريين اتشجعوا
وانتشرت العربيات بس على خفيف
واسمعوا الجاى بقى
أل نادى السيارات المصرى
بيسجل اول بلاغ عن سرقة عربية سنة 1930
يعنى من 1909 لحد سنة 1930
مفيش أى عربيات اتسرقت خالص
مهو طبعا
هما اصلا العربيات يعنى
كانوا يتعدوا ع الصوابع
واللى هيسرق عربية هيسوقها فين
بعيد عن عين البوليس ومش هيلاقوه و يتمسك ؟!!
محدش فكر لأن لا حد بيعرف يسوق
ولا هيعرف يفكها ويبيعها
ولا يهربها برا الحدود
وهتمتد هواية الولع بالعربيات دى للملك فاروق
اللى كان عنده كام عربية ابهة وعظمة
الناس كانت بتشوفه بيسوق العربيات
بتاعته ف الشوارع عادى ..
خصوصا الحمرا دى
كان مولع بيها
وبجمع الطوابع والتحف
هيييحح
ايااام
واللى كانوا بيسألوا عن الجند الارناؤط وايه حكايتهم
هما جنود كانوا مشهورين بالإزعاج
والمشاغبة والجنان واللسعان
يرجع سبب تسميتهم لزعيمهم ..
طاهر باشا الأرناؤطى اللى جه مع محمد على من ألبانيا
عشان يحاربوا الفرنساوية
ف خضم أحداث الحملة الفرنسية
بعد جلاء الفرنسيس عن مصر اهل القاهرة
عانوا الامرين من شغب الأرناؤطية
اللى لما كانت فلوسهم ورواتبهم بتتآخر
او تقل بينيلوا الدنيا
ويخلوها خل
مصر كانت بتعدى بمرحلة انتقالية
زى دلوقتشى كدهون بالضبط
قوم الجند دول المشهورين بالتهور ف القتال
كانوا بينهبوا الدكاكين والبيوت عادى خالص
الناس قالت جاى منهم
واشتكوا مر الشكوى
قام بعتلهم الباب العالى وقالهم أرجعوا لبلدكم يا غجر
فرفضوا طبعا ولا كأن حد قال حاجة .. !!
وفضلوا على هذا المنوال يقرفوا ف الناس
ويبقوا شوكة ف قفا أى والى
لحد ما جالهم اللى مبيرحمش
سى محمد على باشا اللى قعد يتكتك لهم ع الهادى
وخلص من جزء منهم ف مدبحة القلعة
اما الجزء التانى فبعتهم الحجاز مع ابنه طوسون ..
فقل عددهم جدا عن الأول
ونجا القليل
فلازم أقول معلومة مهمة عن نشأة الراجل دا
عشان تعرفوا ان مفيش حاجة تيجى كدا
محمد على من مواليد مدينة قولة
في جنوب مقدونيا عام 1769
وكان أبوه الألبانى إبراهيم أغا رئيس حرس
او زى شيخ غفر كدا
الحاج أبراهيم دا بقى
هوه اللى مزعلنى قوى
مش منه
أبضن يعنى ابدا
دنا زعلانة عليه والنيعمة
ليه يا كوكى تزعلى بس ؟!!
أقولكم ليه
أصله كما ذكرت المصادر كان عاوز يخلف
ويبقى عنده عيال زى كل الناس
قوم حاول
وف كل مرة يموتله عيل لحد ما ماتله كام واحد
قولوا كام ... ؟
ستاشر عيل يا مؤمن
إبراهيم أغا قعد يخلف 16 مرة والمولود يموت
لحد ما ف المرة السبعآشر جه سى محمد على
وتبت ف الدنيا وغتت وقال مش ميت انا .. ؟!!
وطبعا الأب فرح جدا
بس ملحقش يا عينى
ومات و ساب محمد على طفل صغير يتيم
وطبعا يموت
أقل واجب
عيخلف 17 عيل ويفضل فيه صحة
لأ طبعا
وانتا عملت اللى عليك عموما
واتكل ع الله يا حاج ابراهيم مع السلامة
والله ما جصّرت !!
اللى ربى محمد على .. أمه
الست ام محمد
و اللى بذلت مجهود جبار ف الخلفة
ولا الأرنبة انرجيزر
مش هتقدر تكمل المسيرة هيا كمان
وهتموت ومحمد على ف سن الـ 14
فهيربيه عمه طوسون
وبعد شوية
هــ يموت .. !
ولأ معلش بقى كدا انتا سرك باتع يا لولو
والبطل
ابوه مات وامه ماتت وعمه مات !؟
نعم
المهم
مبقالوش ف وسط كل الناس الا صديق عمه
كان راجل كويس اسمه الشوربجى
وعمكو الشوربجى كفل اليتيم
لحد ما بقى شاب
واخده تحت جناحه وشغله معاه ف تجارة الدخان
طبعا مفيش داعى أقول ان الشوربجى
كان راجل واصل مع العسكر
وقرب محمد من رجال السلطة النافذين ف البلد
والواد لولو اترقى
واتعّرف ف السكة على حاكم مدينة قولة
الحاكم كان عنده بنت حلوة مطلقة وبختها مال مرة
و كان اسمها أمينة
وأبو أمينة كان بيفهم ف الناس
عرف علطول ان محمد على دا شاب طموح
وله مستقبل
راح مجوزه البت طوالى
وطبعا شمله بكل رعاية واهتمام ونطقه ف المناصب
وتأتى الحملة الفرنسية إلى مصر
قوم الباب العالى يبعت اللى يقدر يبعتهم
منهم كتيبة ألبانية يتصادف ان رئيسها
هوه ابن حاكم قولة أخو مرات محمد على
وياخد أنشته جوز اخته معاه
على رأس كتيبة من 300 نفر
وأول ما يوصلوا مصر يرجع الواد ابن الحاكم
ويسيب محمد على مكانه قائد ومسيطر وواكل تايجر
وتمشى الحملة
وييجى والى متعين من الباب العالى
ويحارب محمد على كل الأطراف
بسلاح الدهاء والمكر
لحد ما شوية شوية يوصل لكرسى الحكم
وأصلا بقى
يعنى
معلش
اللى هسمعه بيشتم بعد كدا ف الشعب المصرى
ويقولك محمد على ضحك عليه
وابصر ايه
لأ بقى سورى لامؤاخذة
دا الراجل جايلنا مموت 16 أخ قبل منه
عشان هوه يشرف وميبقاش ع الحِجر غيره !
يعنى الراجل منذ أن كان جونين وهوه مفترى وقادر
ومخلّص على عيلته جمعاء
وعرف يطوى حاكم قولة
ويتجوز بنته
عشان يكبر ف النفوذ والمكانة
ويقدر يجيلنا مصر
ويفضى لنا بقى
ولما جه عرف برضو ازاى يساوى اموره
ويزيح قادة عتاة و زعما شعبيين وناس عتاولة
وكل دا صدفة ..؟
لأ يا اخواننا دى مترتبة والجدع دا مستنصدنا
ان الجدع اكمنه اتولد وحيد وملوش عزوة
فقرر يتفادى هذا المصير تمامااااااا
لما جاتله الفرصة
ونظرة لشجرة عيلته كدا
هتلاقوا محمد على خلف 30 عيل
آه والنيعمة
طبعا مش كلهم عاشوا
ومات منهم كتير ف السكة زى اعمامهم الـ 16
يا ابو سر باتع
واللى يموت نجيب غيره
وكوباية واتكسرت
وخدت الشر وراحت
عشان كدا هتلاقوا فيه 4 زينب
و 3 رقية
و2 اسكندر
و2 حليم
و2 عبدالحليم
و2 اسماعيل
اللى يروح نجيب اخوه بنفس الإسم
وعاتى خالث
وما شاء الله ربنا مد ف عمره
ومعملش زى أبوه
اللى فيص بدرى بدرى
محمد على عاش لحد بعد ال80 ربيعا
وسؤال يطرح نفسه مش قادرة أمنع نفسى بصراحة
هوه كان بيحارب ويسافر ويرجع ويحكم ويتحرق دمه
وكان عنده وقت ونفِس يخلف 30 عيل ؟
عزوة بقى
وبقول محمد على دا كان فلتة من فلتات الزمن
وبغض النظر عن كل تحفظاتى عليه
بس فعلا كان شخص غير عادى
يا أما كان مخلوق فضائى
Men In Black
وكدا
