بحث هذه المدونة الإلكترونية

Powered By Blogger

الجمعة، 20 ديسمبر 2013

من احلى ما كتبت


من احلى ما كتبت
من مدونتى بتاريخ
 ديسمبر، 2009
قابلت الرئيس على مقهى فى باريس
عادى جداً أن تدخل أحد المقاهى أو المطاعم الباريسية وتجد الجالس فى مواجهتك أو خلفك هو الرئيس ساركوزى، وقد

تصادف معى أكثر من مرة أثناء تناولنا العشاء بأحد المطاعم المجاورة للشانزليزيه،رايت الرئيس «ميتران» يدخل مع

عشيقته، وكبير الجرسونات يقوده للجلوس على منضدة بأحد الأركان، شأنه شأن أى مواطن وسط الناس، وفى التسعينيات

دخلت بصحبة صديقتى مطعماً باريسياً مشهورا بتقديم الكوارع، ودخل علينا الرئيس «شيراك» المعروف بعشقه للحم

الرأس ليجلس خلفنا،
وفى امريكا ترى الرئيس «كلينتون» أو «أوباما» وهو يقف فى الطابور ليحصل على ساندويتش هامبورجر، وفى انجلترا

يجوز أن تصطدم بـ«الملكة» وهى تركب الدراجة لتشترى بنفسها بوكيه ورد، أو كرنبة ونقانق وشوية جزر وكرفس لزوم

الشوربة التى تصنعها بنفسها فى الويك إند، وهكذا بالدول المتحضرة لا توجد حواجز حديدية بين الحاكم والمحكوم..

فالرئيس هناك «موظف» لدى الشعب براتب شهرى من عرق الشعب!!
ولكن الجديد أننى فى الأسبوع الماضى كنت جالسة بمقهى ملحق بمطعم «مكسيم» الشهير بميدان الكونكورد بباريس،

وهطلت أمطار غزيرة جعلت المشاة بالشارع يدخلون المقهى حتى ينتهى المطر، وفجأة وجدت أمامى السفير المصرى مع

الرئيس مبارك ولا توجد منضدة خالية، فقمت على الفور لأترك لهما المكان.طبعا انتم عارفين انى مؤدبة. وهنا دعانى

الرئيس للجلوس معهما بعد أن طلبنا من الجرسون كرسيا ثالثا وقدمنى السفير للرئيس!!طبعا ح تقولوا كوكى دية فشارة دية

بقى لها شهر كل يوم قرفانا بمواضيعها المملة ازاى سافرت باريس ولكن صدقونى المرة دية واقراوا للنهايةوابتسم الرئيس

وهو يسألنى عن أحوال المصريين فى الغربة.. قلت: يا ريس إحنا كويسين والحمد لله رغم الظروف الاقتصادية العالمية

التى جعلت كثيرين من المهاجرين يفكرون جدياً فى العودة للاستثمار على أرض مصر، ولكنهم خائفون.. مرعوبون مما

يسمعونه عن الروتين، فى مصر.. و.. قاطعنى الرئيس ولكن بابتسامة مشجعة للاستمرار فى الحديث، وعندما قال: وإيه

بقى سبب الرعب ده؟؟نظرت خلسة إلى السفير فضبطنى الرئيس، وبهزار قال: يا أختى نفسى واحدة مصرية تكلمنى

بصراحة ودوغرى من غير لف ودوران، قلت: يا ريس سيادتك عايزنى أتكلم معاك على طريقة الفرنسيين فى الجهر

بالحقائق.. ولن تعتبرها وقاحة منى؟
قال: يا أختى كوكى دى فرصة أسمع فيها الحقيقة من واحدة مصرية، ويا ستى عليكى الأمان!!ح تقولوا طب الريس عرف

اسمك ازاى
الرؤساءعارفين كل حاجةح اقولكم ان دة ريسقلت: يا ريس تعالى نبدأ من البداية:12345لقيت السفبر المصرى بيقول

لىكفاية.. الله يخرب بيتك با كوكى هتودينى فى 60 داهية!!
وعلى صوت المنبه الرنان، صحوت من النوم، ولم أجد أحداً بجوارى.. فحمدت الله على أننى كنت أحلم على سريرى فى

باريس.
. فهناك من حقك أن تحلم بأن تكون رئيساً للجمهورية، وليس بأن تجلس مع رئيس الجمهورية
!!طبعا انا مش كذابة لان كل دة حصل فى القاهرة


ما تسألنيش فايدة الكلام إيه؟ 
  ممكن تقول إيه
الحلاوة دى.
لاى حد  - (بصوت عال) ماما..إيه الحلاوة دى؟ - وطى صوتك يا حمار. - ليه يا بابا؟ مش ماما ست؟ - أيوه ست،

لكن مش أى ست
تعاكسها. - أمال أعاكس مين يا بابا؟ - ما تعاكس، أنا غلطان. - طيب ولما أقول أنا عاوز أتجوز حاتجوز؟ - لأ طبعا.. لازم

شقة وشبكة
ومهر. - لازم شقة وشبكة ومهر؟ - آه، وما تسألنيش فايدة الكلام إيه؟ - وإيه تانى يا بابا؟ - لما تتخرج فى الجامعة وتحب

تشتغل تقول أنا
عاوز أشتغل - أقول أنا عاوز اشتغل؟ - آه، ومش حتشتغل - مش حاشتغل عشان قلت إنى عاوز اشتغل؟ - لأ عشان

معندكش واسطة. - هو
أنا معنديش واسطة يا بابا؟ - يخرب بيت اليوم اللى علمتك فيه الكلام، تصدق بالله، إنت خلتنى أحس إن الكلام ما لوش فايدة

فعلا. - الكلام ما
لوش فايدة يا بابا؟ - آه - يعنى أنا اتعلمت الكلام على الفاضى يا بابا؟ - آه - عجيبة. مع إنى شايف العكس. - إزاى؟ - أهو

ناس بتفش
غِلّها، وناس بتتسلى، وناس بتسترزق، وجرايد بتتباع.



اطفال الشوارع

فى احدى شوارع مدينة عربية فى تمام الساعة الثانية عشرة ظهرا وأثناء انهماك المعتصمين فى الاعتصام والمحتجين فى الاحتجاج إذا بصرخات نسائية تخترق الهتافات
.. فتساءل أحد المعتصمين: إيه الصوات ده يا جماعة؟ إحنا قلنا هتاف من غير ما حد يرقع بالصوت!
معتصم آخر: ده مش من عندنا، ده شكله جاى من الرصيف التانى.
فيذهب بعض من المعتصمين إلى الرصيف الآخر ويصلون إلى الرصيف الآخر فيجدون هرجاً ومرجاً
احنا يا جماعة عايزين نظام
اسكت اسكت شوف اللى بيحصل
: خير يا جماعة؟ الصوات اللى عندكم من اية؟
آه دى زميلة معانا بتولد
. وتأتى إحدى المعتصمات فيسألونها بلهفة
ةهاه.. إيه الأخبار؟
المعتصمة: دى على وشك الولادة لازم دكتور أو ننقلها اقرب مستشفى.
- وهينفع ننقلها؟
معتصم ثان: مش هينفع طب حد يا جماعة يشوف دكتور عند اعتصامات الأطباء.
معتصم ثالث: أنا هاروح أشوف.. همّا واقفين فين؟
رابع: عند مبنى النقابة.. قبلينا بكام رصيف.. بس بسرعة وحياتك.

خامس: هو جوزها فين؟ مش لازم يبقى معاها فى الظروف دى؟
سادس: جوزها هتلاقيه بعدنا بشارعين واقف فى طابور علشان يشترى زيت وسكر ، بس غالبا هيرفض ييجى هنا ويروح عليه مكانه هناك!
- طب فين أبوها.. أخوها.. أو عمها حتى؟
- أبوها واقف فى طابور قبض المعاشات
وأخوها واقف فى اعتصام الكليات بقاله تلات أيام.
. وعمها يا عينى قعد يلف بالتاكسى بتاعه على بنزين رخيص بتاع الغلابة ومش لاقى وصمم انة يقلب التاكسى لنظام الغاز بدل البنزين
وفى الآخر اختفى لا حس ولا خبر.
ثم تأتى سيدة أخرى من المعتصمات وهى تصيح: يا جماعة عايزين ملاية.. حد يشوفلنا ملاية.. ما ينفعش الست تولد عالأسفلت كده!
المعتصم الثانى: يا جماعة حد يروح للمعتصمين بتوع الغزل و النسيج أكيد هنلاقى معاهم ملايات.
ثم تأتى سيدة أخرى يبدو عليها اللهفة والاستعجال: ميه سخنة.. عايزين ميه سخنة بسرعة!
المعتصم الرابع: أنا هاروح للمعتصمين اللى جنب القهوة اكيد هما عارفين صاحب القهوة، دول بقالهم مدة فى المنطقة وأكيد عندهم ميه سخنة وشاى والذى منه.
وانا كمان شفت عندهم شيشة
ما تخافوش انا ح اتصرف
السيدة: وشوف برضه لو لقيت عندهم بطانية.. الأرض ناشفة قوى والولية مش عارفة «تحزق»! ثم تأتى سيدة أخرى مهرولة: يا جماعة عايزين قطن ومحلول مطهر.
المعتصم الثالث: همّا مش الصيادلة معتصمين قريب من هنا؟ ثم يظهر فى الأفق المعتصم الأول وهو يصطحب فى يده الطبيب.. وما أن يصلا إلى الجمع حتى تجذب السيدة الطبيب من يده وتقوده إلى حيث ترقد الأم:
الحقنا بسرعة يا دكتور دول باينهم توأم!
والنبى يا جماعة وسعوا السكة للدكتور
يمسح الدكتور عرقة ثم يبدء قى الكشف
ويقترب من الحشد شاب من معتصمى المنتديات ويحاول استغلال الوقت فى إقناع المعتصمين بأن يكون لهم جروب على «الفيس بوك».لنشر ما يحدث فى طوابير الاعتصام
. ثم تسود فترة صمت بين المعتصمين لا يخترقها سوى صرخات الأم وأصوات حث السيدات لها على أن «تاخد نفس» ثم «تحزق»
وصوت الدكتور وهو يساعدها بكلمات مشجعة
ويتعالى صوت اخر
والنبى عايزين فوطة الست عرقانة
فيبادر احدهم فية فوطة متنشرة فى البلكونة اللى جنبنا انا ح اكلم صاحبة الشقة
ويذهب وبعد دقائق يرجع بالفوطة

وبعد دقائق
اخرى.
عصيبة تعالت أصوات المولودين وتلتها زغاريد النساء. فتهللت أسارير المعتصمين وبدأوا يباركون لبعضهم البعض.. ثم سأل أحدهم إحدى السيدات التى أتت لتبشرهم بنجاح الولادة: خير؟ واد ولاّ بت؟
السيدة: ولد وبنت


! ويا عينى الام قاعدة تعيط وبتقول هتصرف على توأم منين!
معتصم اخر يقول ممكن نبلغ موسوعة جينيز العالمية تصرف لهم مكافاة على اساس انهم اتولدوا فى الشارع اهة برضة تساعد على المعيشة
المعتصم الأول: يا جماعة إحنا لازم نحتفل بالحدث السعيد ده.. همّا مش بتوع السيرك معتصمين قريب من هنا؟

المعتصم الثانى: على رأيك.. أنا هاروح أتفق معاهم ييجوا يعملوا لنا ليلة هنا.. بس مفيش عندنا موغات وحلبة بالعسل.. همّا العطارين مش معتصمين فى حتة هنا ولاّ هنا؟
المعتصم الأول: لأ لسه.. بس اصبر يمكن يحصلونا على السبوع.وطبعا لازم نقول لهم ما ينسوش الشموع
بس يا جماعة لازم الزوج يحضر علشان يسمى اولادة
ترد الام
انا اتفقت مع زوجى على الاسماء خلوة واقف فى الطابور لاننا ما عندناش ولا نقطة زيت للطبيخ
طب ح تسميهم اية يا ست
مش عارفة انا نسيت
وعندها فقط يحضر الزوج وفى يدة الزيت
ويحضر باقى افراد العائلة فرحين بعد ان ادوا ما هو مطلوب منهم فى الشوارع والطوابير
وبصوت واحد يقولون
ح نسميهم معتصم ومحتجة
يرد معتصم اخر
ياجماعة بصوا لقدام لان لو سميتم الولد معتصم
مككن بعد عمر طويل ما يقبلهوش فى كلية الشرطة اعتراضا على الاسم
الجميع فى صوت واحد
اة والله
طب نسمية اية
طبعا انا عاملة مسابقة هنا

لاختيار احسن اسم للمولود
والفائز ح ياخد شمعة لما العطارين يحضروا فى السبوع

البرباطوس

ازيكم يا جماعه .. واحشني كالعاده
بناءا على اقتراح ننوسة ومناشدة الجماهير بالعودة مرة ثانية الى نورت حبيت اقدم لكم
انا مش كئيبة

النهارده
انا جايبالكم حاجه جديده كنت اتكلمت عنها قبل كده
وهيا عباره عن زجل برد بيه علي كل الي كانوا بيتهموني ويقولوا اني كئيبة ! …
المفروض يا جماعه كنت القيتها بصوتي عشان تبقي في افضل صوره ليها …
عشان كل المعاني توصل زي منا
عاوز ة…

… عموما تتعوض ان شاء الله …
وبجد يا جماعه محتاجة رايكم كلكم
.,وانا اسفة لانها بالعامية المصرية أنا مش كئييبة !!!
أنا مش كئيبة يا خلق هوو …
واللي قالوه – عنّي اشاعه مغرضه بيقولوا اني بقالي دهر ..
. أو ييجي يمكن ألف شهر ..بعيدة عن نورت يعنى انا كئيبة. لكني مش كده !!!
أنا بنت زيي زيهم … أو جايز أحسن منهم .
.. وان كنت أنا زعلانة شويه يبقي الكآبه طبعهم .
.. هحكيلكوا عني وعنهم وانتو تقولولي مين بقى فينا الكئيبة ؟!
اناكنت نونو… يعنى صغيرة.. وعشان يوماتى كنت بغير..
. جدو جابلي برباطوس…. معرفش كان جايبه منين!
وعدي يوم … أقصد يومين… مبقتش ألبس البرباطوس بيقولوا اني… آل ايه كبرت…. ولبسي لازم يكون رزين !
وهوا يعني عشان كبرت ملبس حتي البرباطوس ?!
عالم غريبه يا اختى ويا أخي …
وكأن لبس البرباطوس بقى حاجه عيبة قولولي بس مين بقي.
…فينا الكئيبة ؟!
وشويه رحت المدرسه واللي تعبني ..
. لما قالولي … مصر ماما … وماما أم كويسه !!!
قلت ماما … ماما ايه ؟ أمال الحاجه فاطمه تبقى ايه ؟!
قالولي ماما تبقي برضو أم ماما … وماما التانيه برضو تبقي ماما !!! تهت منهم وأما تهت ..
. قالولي تبقى مين مامتك يا شاطر ة؟!
قلت مصر تبقي ماما … وماما تبقى بنت ماما !!! والجواب كان شيء عجيب ..
. وعجبهم خالص جوابى وانا كنت مش دريانة ان مصر تبقى ماما قولولي بس مين بقي فينا الكئيبة ؟!
وأما عدى العمر بيا … سألت ماما ..
. شايله ايه بس ليا ؟! قالتلي ماما ..
. ان جدي كان عزيز … وأن أبويا كان عزيز … وأن انا اية مش شويـّــه
بصيت لنفسي في المرايه ..
. وقلت آه انا مش شويــّـه ! بصيت للمرايه لقيتها صيني .
.. والفرشاه اللي بنكش بيها شعري برضو صيني ..
. والجيلّ اللى بلمغط بية شعرى برضة صيني ..
. والمكواه دية صيني … وهدومي كنت احسبها مستوردة لقيتهم مستوردينها بال صيني .
.. حتى القلم اللي بيه بتعلميني يا ماما برضو لقيته صيني !!!
بالذمه ده مش يبقى عيبة ؟! قولولي بس مين بقي فينا الكئيبة ؟!
عدت سنين ..
. سبت المدارس والكتاب في الجامعه كان كل الصحاب وحياتي كان ليها بابين …
باب تجاره … وباب آداب والغريب … ان المباني برضو كئيبه والبشر لسه عجيبه والبنات اللى زيى حلويـــــــن أوي .
. . والولاد بقو حاجه خيـــــبه ! أما قلبي … فجاب حموضه لمعدتي … مره يحلم بالقمر ومرة يحلم بالنجوم ..
. وان راح علوم يقول يعيني عالنجوم !
وابن الجيران واخو صاحبتى يقول لى خليكى معايا في صيدله !
طب وعلوم بكره يسقطوكى ..
. وهتبقي ليله مقندله ! رد قلبي وهوا ماشي اية رايكم فى الهندسه … غلطانة أنا ؟ ..
. علشان عايزة اجيب نمر حلوه كويسه ؟! وأما لقيتها ح تجيب حقوق ! قلت خلاص يا ناس هروق ..
. لكن خساره …انا كنت خايفة من التجاره ! وعرفت ده لما (باعتني) من غير فلوس والسبب … قسمه ونصيب !!!
وفى الاخر عرفت انى ممكن ادخل صيدلة قولولي بس ليه بقي هكون كئيبة ؟! وكبرت حبــّـه …
وعرفت أن الدنيا دي ولا تسوى حبــّـه اللي تحبه بيضيع فثانيه … والصدق ضايع بين ألف كدبه ! قررت أعيش .
.. وحدي معاهم … بعيدة وبينهم … غريبة ومنهم ميهمنيش ..
. قفلت بابي … وواربت شيشى … يمكن فيوم ييجي القمر عشان يآنس وحدتي ..
. أو نجم تايه في السما يرسم معايا بسمتي .
.. أو حتي صوت يهزم سكون الليل ويقتل غربتي .
.. بس شباكي مبيجبش غير هوا مليان تراب !
ومن التراب كان البشر ..
. ومن البشر تعب التراب !
بالذمه ده مش شيء عجيب …
قولولي بس أنا ممكن ابقى كئيبة؟!
ولا انا مش كئيبة؟



                                                       متى تنهضى يامصر؟

فمتى تفيقون يامسلمين ومتى تنهضى يامصر؟
المصرى لقى الفانوس
كان فرحان خالص
ولكن يا فرحة ما تمت
ح اخلية يحكى لكم حكايتة
لقيت الفانوس مرة ودعكته طلعلى عفريت
… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان
************ *****
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير
************ *****
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق
وأكلة كباب مشوى على السيخ مع عيالى فى شرم الشيخ
وأشرب فى القسم عصير بطيخ وأخرج سليم بدون تلطيخ
ونفسى الضحكة ترجع تانى ورصيف للمشى أنا وخلاّنى
جنيه مصرى زى البرانى يشترى حتة لحمة ضانى

************ *****
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس ; إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس         
                  

ليست هناك تعليقات: