بحث هذه المدونة الإلكترونية

Powered By Blogger

الاثنين، 16 ديسمبر 2013

الكوسة وما ادراك ما الكوسة


الكوسة وما ادراك ما الكوسة

 
  بالانجلش  Zucchini
ممكن أحكى حاجة صغننة
سمعتها  من مدة ..
 ممكن ؟
اه  يابلد
فيكي حاجه مجنناني ...
نزرع القمح في سنين
ويطلع القرع في ثوانى ... !!
يحكى ان ..
القاهرة العامرة لما اتبنت
واتحاوطت بالاسوار
كان الفلاحين وبياعين الخضاربييجولها من كل حتة
عشان يسترزقوا ويبيعوا محاصليهم
قوم يقفوا عند الأبواب
وينتظروا الأذن بالدخول
ودفع المعلوم ورسوم المرور
والتفتيش والأفلام دى ...
ويبدو ان المصرى من يومه وش طوابير وتكدير ..!
المهم ان المزارعين وبياعين الخضار
 كانوا بيقفوا طوابير بالساعات عشان يدخلوا
إلا بتـــوع الكوســــة ...
عشان كانت بتفسد بسرعة من الشمس وتدبل
... فييجى حارس البوابة من على مطرحه
ويروح مزعق ....
 كوسة
فتتلم عربيات الكوسة ورا بعضها
وتتخطى الطابور كله ....
 ويدخلوا اول نـــاس
ومن هنا جت حكاية إرتباط خضار الكوسة ...
 بالمحسوبية
وتخطى القواعد
يقال ان الكوسة خضار امريكانى

وكولومبس نقلها لكل العالم
بس احنا ف مصر تحديدا الكوسة بتاعتنا دى
أصلها طاليانى
من نابولى


والكوساية أسم الله على مقامكو ممكن تنعرف
من زهرتها لو كانت مزمزايل او أفندى ...
 سبحان الله ..
وكلمة كوسة لما نحاول نعرف أصلها عربيا
... هنلاقيها ف المعجم بمعانى كتييير
بس فيه منها اللى يطابق الوصف جدا
يعنى مثلا
لما نقول فلان كَوَّسَ فلان ..
كَوَّسَهُ : يعنى كَبَّه على  رأْسه
 أو قلَبَهُ وجعل أَعلاه أسفله
ولما نقول انها لأرض كَوْساء:
يعنى الأرض دى كثيرة النبت ملتفّة متراكمة
.. شوف يا مؤمن ... لما تبقى الكوسة أصلاااااا
من فصيلة " القرعيات"
لأ و اللى بيزرعوها كل شوية يمخولونا بقى ...
 مرة تبقى فاتحة ..
ومرة تغمق ّ ..
ومرة تصّفر ..
وييجى الأتراك يعلمونا نقورها
ونحشيها ويقولوها ضُلمة
واحنا نغير الأسم ونخليه محشى ..
. على كيفنا ..
ويا روحى عليها بالبشاميل ...
حطوها قصادى ...
بس كله كوم ...
وانها تنعمل مخلل دا كوم تانى
 خااالص الحقيقة .... يع يع يع يعنى
وطبعا مش هقعد اشرح ف فوايدها
كلنا كرهنا الكوسة
 واحنا عيال بسبب كلام اهالينا عنها ...
والزن دا بتاع الفيتامينات والحاجات والمحتاجات ...
بس المعلومة دى بقى
... جدييدة
آل بيقولك يا سيدى ان الكوسة مفيدة للأعصاب
وبتحسن الحالة الذهنية
عشان كدا بيدوها لكبارالسن
والمرضى فى المصحات والمصابين بأمراض نفسية .. !!!
طب ييجوا مصر
ويعملوا الدراسة دى تانى
واحنا هننسفلهم النظرية من أساسها ...
طب دا الكوسة عندنا جننت الناس أصلاااا
وحكاية ان الكوسة بتقوى المناعة
 فأنا أشهد لها ...
احنا جتتنا نحسّت فعلا من كُتر الكوسنة ف البلد
وبمناسبة الكوسة وعمايلها انتوا
 انتوا مش غُرب يعنى ومش هنكسف منكو ... طول
طول عمرى كنت بكرهها أكلاً
وعمايل لحد ما ربنا خد بيدى ...
كنت بكرهها اكلا عشان مكنتش بحب الاكل عموما
والخضار خصوصا
 ولذا أحب بقى بهذه الموناسبة السعيدة
 ان اوجه الشكر
للصين العزيزة عشان المقوار اللى عملته
وبيتباع ف المترو واللى بيجيب العرسان دا
إذ ان المقوار التقليدى التى درج على اس

 
تعماله بنات جيلى كان بيطلع ترابنتينى
وبيبوظلى نص الكوسات واشبع تريقة من ماما
نتكلم بقى بجد
من  النباتات التي يظلمها الكثير من الناس فى عالمنا
العربي، نبات الكوسة أو ما يسمى فى بعض البلدان بالقرع،
يستخدمون اسمه لنعت التسيب والنفاق فى الحياة والمحسوبية
 وهذا ظلم يجب أن نكف عنه، ولا أعلم لماذا يقال هذا.
لذلك اقترن هذا الاسم بحالة من السلبية التي جعلت الكثيرين
 يأخذون اتجاها خاطئا نحو هذا النبات، ووصل الحد إلى تجنب
الكثيرين لتناوله، أو جعله طبقا رئيسيا على مائدة الطعام.
الكوسة معروفة منذ أمد بعيد ويقال أن بلاد المكسيك هي
موطنها

الأصلي وإذا كان معظم سكان العالم يستهلكون الكوسة

 فإن سكان المكسيك يفضلون تناول ثمارها مقلية أو
مطبوخة، وأغلب العرب يفضلونها مطهية بينما يفضلها
المصريون والشوام محشيه
يستفاد من الكوسة في طبخ أطباق شتى وفي الطب القديم قيل
 عنها أنها غذاء بارد ينحدر إلى المعدة بسرعة. وبشكل عام
تتمتع الكوسة بالخصائص الصحية والغذائية الآتية:
مضادة للتسمم ، وافره الماء 90--95 % ،
فيها من المعادن :الفسفور البوتاسيوم الكالسيوم الحديد
 الصوديوم المنجنيز الكبريت ، الكوسة الكبيرة أكثر في المواد
 الغذائية
 عن الصغيرة،كما أن الكوسة هي غذاء صالح للرجيم، يجب
عند طهي الكوسة الإقلال من الملح وبدون الملح لأنه غني
بالصوديوم) يجعله
يمتص كثيرا من الماء بسهوله ،لمعالجة الحساسية ولفقر الدم .
وطريقة استعمال ثمار الكوسة للأغراض الشفائيه 3-4 ثمار
 طازجه تهرس جيدا أو تؤكل ، ويمكن التكرار بحسب الحاجة
للحصول على نتيجة جيده والأمــر يعود إلى شعورا لمريض
 الخاص وفطنته وتقديره .
الكوسة مــدر للبول ويجب أن يدخل في الطعام المحمومين لأنه
نافع ضد الحميات ويسكن الحرارة .
تناول كأسامن عصيره على الريق يكافح الإمساك إذا وافق حالة
 المريض الخاصة، عصير الكوسة على الريق يعالج
الإمساك الحاد، تساعد على تسكين الآم التهابات المجاري
 البولية و ألام المثانة، مطهر للمعدة والأمعاء و ملينة لهما
تساعد على خفض ضغط الدم وعلاج التهابات المثانة والوقاية
من أورامها، تفيد في علاج بعض الأمراض الجلدية .تساعد
 على تقوية الذاكرة، يوصي بتناولها للمصابين بالوهن العقلي والنفسي.
تساعد على إنقاص الوزن، تساعد على علاج بعض الأمراض
 الجلدية،تساعد على زيادة تحسين جهاز المناعة وفي نمو
العظام والأسنان. يساعد نبات الكوسة فى شفاء مرض الربو
 وذلك لاحتوائه على فيتامين Cولديه خواص هامة مضادة
 للالتهاب.
كما يساعد ايضا فى منع الإصابة بكثير من الأمراض، مثل
مرض الاسقربوط، والكدمات وغيرها،
ايضا فى ترتيب الشعيرات الدموية وتقويتها من خلال تقليل
مستويات الهيموكريستسين الذى يؤدي إلى الأزمات القلبية
والسكتة الدماغية،كما ان عنصر النحاس الموجود بالكوسة يقلل
 من الآلام الناتجة عن مرض التهاب المفاصل الروماتويدي.
إن بذور الكوسة تحتوي على مركبات لها تأثيرها في طرد
الديدان المعوية وفي التخفيف من حدة عوارض ضخامة
البروستاتا الحميدة عند الشيوخ الذي تنتج عنه مشكلات في
 التبول.وفي مداواة التقيؤ عند الحوامل والمصابين بدوار البحر
وقد نشر مؤخرا بحث من رسالة الدكتوراة في مجلة العلوم
 الامريكية
 Journal of American Science, يتناول
البصمة الوراثية لسبعة اصناف من الكوسة  إذا علم الآخرون
فوائده سوف يتيقنون أنه مثل
الجوهرة، التى يجب أن يتزين بها تاج الصحة
والسؤال الشكسبيرى الخالد
ماهو جمع كلمة (( كوسه‏ )‏‏)'


ليست هناك تعليقات: